Pərtövi-hüsnündən ey dilbər, cahan pürnur olur,Binəvadır ki, vüsalından həbibin dur olur.

Ey pəriru sən mana hərgiz nəzər qılsan benaz,Müddəi bu qüssədən eynülyəqin rəncur olur.

Zahidin cövründə gər viran olursa mülki-dil,Ğəm deyil, cana, çü vəslindən yenə məmur olur.

Hüsni dövründə baxın, heç iltifat etməz mənə,Kim, görübdür mövsimi-gül bağiban məqdur olur.

Məqtə — şairin təxəllüsü olan son beyt. Təşnədildir bu Xətai, can veribdir ləlinə,Necə kim ləlin əsəldir, dil ona zənbur olur.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Eşq