Şuşa Qayaları
Qayalar Şuşada varaq-varaqdı,Hər qolda min dastan oxumaq olar.Bu yerə bir şeir yazmaq nahaqdı,Nəğmələr çələngi toxumaq olar.
Qonaq gəldiyimi duyub elə bil,Yenə sığallanıb, daraqlanıbdı.Qayalar küləyin əliylə deyil,Zamanın eşqiylə varaqlanıbdı.
Qoynundan uçurub neçə qartalı,Neçəsi uçmağa hazırdı burda.Vaqif qoşmasını Vaqif xəyalıQayalar qaşına yazırdı burda.
Bu Çətin dərəyə baxdığı andaFikrini uçurdu sirlər, soraqlar.Xəzinə qayası qırışlarındaHələ açılmamış xəzinə saxlar.
Duyğular selində çağlayıb axsan,Qanadın açılar, quşa dönərsən.Bir parça daşına biganə baxsan,Quruyub yerində daşa dönərsən.
Cabbarın, Bülbülün, Xanın səsiniQəlbinə yazdıran haldı qayalar.Dağlar yaxşı bilir vəzifəsini,Lal olar, kim desə laldı qayalar.
1975, 28 may
Kitabxana.az · https://kitabxana.az/works/zelimxan-yaqub-susa-qayalari
← → düymələri ilə keçid, R — təsadüfi şeir
Müəllifin digər əsərləri
Başqa şairlərin şeirləri
Ey canım cəlladı, ömrüm yağısı,Məgər səndə zalım din iman yoxdur,
Bizi məyus edən dəhrdə məyus olsunDüşdü yadıma kecən gunlərim, əfsus olsun,Bizi məyus edən dəhrdə məyus olsun.
AğlaramÇərx fələk çəkdin qəza qılıncınƏyyamımı siyah etdin ağlaram
Salubdı indi nəzərdən, gedüb, o yar məniSalubdı indi nəzərdən, gedüb, o yar məni,Edübdi möhnətü dərdi-ğəmə düçar məni.