Bu dağlar nə qədər ozan yaradıb,Hər sözü dillərdə bir dəftər gəzib.Sığınıb Allahın ucalığına,Hərə öz eşqinə bir səngər gəzib.

Məclisi məzəli, söhbəti şirin,Mətləbi müqəddəs, mənası dərin.Səsi Haqqa çatan ər kişilərinSözü dodaqlarda təzə-tər gəzib.

Zəlimxan, hər zirvə bəydi, paşadı,Adı nəğmələrə düşdü, yaşadı.“Xoşbulaq yaylağı xoş tamaşadı”, –Burda məndən əvvəl Ələsgər gəzib.

Daşkəsən, 2009 , 16 avqust

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · İlahi eşq