Kuhkəndən gözükür kuhdə asar hənuz,

Ol nə bənzər mənə, onun əsəri var hənuz.

Çəkdi Məcnun ayağın badiyədən leyk, verir

Qandı güllər, ayağından çəkilən xar hənuz.

Vadiyi-eşqdə sevda ilə sərgəştə idim,

Gəlmədən gərdişə bu günbədi-dəvvar hənuz.

Nöqteyi-xalinə bağlanmış idi canü könül,

Gəzmədən daireyi-dövrdə pərgar hənuz.

Mahə çəkdim şəbi-hicran ələmi-şöleyi-ah,

Ah kim, olmadı ol mah xəbərdar hənuz.

Naleyi-zarım ilə xəlqə haram oldu yuxu,

Qarə bəxtim yuxudan olmadı bidar hənuz.

Mərhəmi-vəsli ilə buldu qamu dərdə dəva,

Bu Füzuli ələmi-hicr ilə bimar hənuz.

Use ← → keys to move, R for a random poem

Random poem

More by this author

Poems by other poets · Separation