Hayd park
Londonda "Haydpark" deyilən bir bağda hər kəsistədiyini danışmaq, hətta hökuməti ittiham etməkhüququna malikdir.
Hayd park!Bu bağda azaddır insan.Azaddır məramı, fikri hər kəsin.
Ey qəlbi yaralı, fikri pərişan,Qəlbindən keçəni qorxma, de gəlsin.Danış bildiyini...Qoruq-qadaq yo:Burda nə düz sözə, nə yalan sözə.Burda fikir azad, burda söz açıq,Yalan doğru kimi dürtülmür gözə.Bu parkdan kənarda, bağdan uzaqdaDolaşır ölkəni müdhiş yalanlar.Ancaq həqiqəti yalnız bu bağdaDeməyə iznin var, ixtiyarın var.
Niyə həqiqətin qaradır üzü?Ali məclislərdən niyə qovulmuş?Sözdə hakimsə dəhəqiqət özüYalan qarşısında müttəhim olmuş.
Boğurlar, düşünüb anlayanları,Xalq yenə əsrlik qeylü-qalında.Gerçəyin yerinə ağ yalanlarıGördük həqiqətin pyedestalında.
"Azadlıq məndədir" - söyləyən ölkə,Ölkələr dağıdıb qana batmısan.İnsan hüququndan dərs deyən ölkə,Haqqı bağ güncünə niyə atmısan?İzdiham önündə danışır biri,Həqiqət çağlayır məğrur səsində.Vurur ürəyinin döyüntüləriOnun hər sözündə, hər kəlməsində.
Qəlblərə nur kimi çilənir səsi,Sözləri zülmətdə çıraq yandırır.İnsan arzusunun dilə gəlməsiBurda daşları da işıqlandırır.Parkın hər tərəfi yamyaşıl çəmən,Qışın oğlan çağı - burda ilk bahar.
Haqqın, həqiqətin gül nəfəsindənElə bil boy atır burda ağaclar.
Parkdan kənardasa əyri oldu düz,Sözdən paltar biçdi yalan gerçəyə.Gülləmi, bombamı, atəşmi haqq söz,De, niyə qorxurlar düz sözdən, niyə?
Ədalət susanda, haqq boğulandaYalan zəfər çalır,Gerçək mat qalır.Qanun düşüncəyə qalıb olandaHaqq söz barıt olur, qalıb yırtılır.
Qalıbı qoruyub saxlamaq üçünSözü "Hayd park"da dustaq etdilər.Bu gün deyilsə də, sabah, başqa günYalan həqiqətdən bir imdad dilər.
Parkın dövrəsində dəmir çəpər var,Haqq sözün önünü kəsir hasarlar.Kaş bu park böyüyə, hasar dağıla,Dünya başdan-başa "Hayd park" ola!
Oktyabr, 1978, London
Kitabxana.az · https://kitabxana.az/ru/works/bextiyar-vahabzade-hayd-park
Клавиши ← → для перехода, R — случайное стихотворение
Другие произведения автора
Vaxtın dəyirmanında daş əridi, qum oldu,Tarixə atdığımız qayıtdı, lüzum oldu.
İki mühacirÖz Vətəninə mənsub olmayan şəxs insanlığa da mənsub deyildir.*V.Q.Belinski*
Qanmaq - qanmamaqBütün ömrüm boyu anlar kimiQəzetdən, kitabdan mən şirə çəkdim.
Sevincin zirvəsi, dərdin zirvəsiKöhnə dostum M.Sadıq müəllimə*Qarışıb dünyanın yaxşı-yamanı,
Стихи других поэтов · О божественной любви
عارف بیچاره دادخواه ندارد
Uzun dəryaBəh-bəh, kənə bu çay nədəndir? Bu yəqindir ki, bunun əslini Allah yaradıb xəlqə, vəli Kızlı imiş tapdı bu dürri-ədəni, xarici məzhəb.Edib afaqə huveyda, salıb aləmlərə ğovğa qılıb hər işrəti icad eyləyib, Çayi-Xətanı adını qoydu Xətayi, belə pərmikər xətadır bu xətayı.
Könlümü həm dəmbədəm edər pərişan saçlarınKönlümü həm dəmbədəm edər pərişan saçların,Əqli qılur dəngü valeh, məstü heyran saçların.
بعدازان چون خلیفه گشت عمرشد جهان گیر دین پیغمبر