Başıma daş salıb, durduğum yerdə,Başına daş düşsün belə dunyanın!Başı qarışıqdı, işi dolaşıq,Niyyəti qaradır hələ dünyanın!

Mehri-məhəbbəti, qılığı yoxdur,İstidi, soyuqdu – ilığı yoxdur.Yanmış ümidlərin qalığı yoxdur,Torpağı oxşayır külə dünyanın.

Xeyri imkansızdı, şəri imkanlı,Çörəyi qılçıqlı, gülü tikanlı.Səni alıb-satar bazar, dükanlı,Övladı sərvətə kölə – dünyanın.

Acı zəqqum dadır ən şirin suyu,Dadını dəyişmir bir ömür boyu.Hər addım başında qazılıb quyu,Yolu başdan-başa tələ – dünyanın.

Dünya sarayının kərpici qəmdir,Çölü yaraşıqdı, ta içi qəmdir.Göz yaşı qarışıq sevinci qəmdir,Qəmi bülənd olub zilə dünyanın,Hər günü bərabər ilə dünyanın.

May, 2004

Клавиши ← → для перехода, R — случайное стихотворение

Случайное стихотворение

Другие произведения автора

Стихи других поэтов