Gecədir... Yay gecəsi,Hava tutqun və cəhənnəm kimi yerə şölə saçır,Lampanın tozlu və al nuri bu mənhus gecədə,Şairə rəhbər ölürkən də, cünunə yol açır...

Çək yana pərdələri, aç qapıyı,Bulud altında görüm, tozlu ayı...Lampayı gəl apar, ay tazə gəlin!Qoy qaranlıqda, xəyalım ucalsın, uçsun!Könlümüz oldu qərib ölkədə xun!

Hanı bizlərdə olan sadə gecələr?Aynaya bənzər üfüq, qırmızı gün, ali ay?Yoxmu bu ölkədə bir zümzümə çay?

Bu yerin köşəni yox, daşlı və qumlu çölü var,Daşlı çöllərdə gəzər çox cavanlar!

Gecədir... Yay gecəsi,Gəlmişik Təbrizə biz...Can verir şəhərə nəslin nəfəsi,Ucalır ay, bu qızıl dağlardan,Dağılır hər yerə gül rayihəsi,Kölgədə gizli qalan bağlardan.

Клавиши ← → для перехода, R — случайное стихотворение

Случайное стихотворение

Другие произведения автора

Стихи других поэтов