Ola
Təxəllüs nə lazım, ey Aşıq Pəri,Bir kəs ki, mehrdən xəbərdar ola?Könüldən könülə yollar görünür,Əlavə, nə hacət, aşikar ola?
Xoş yaradıb səni ustadi-əzəl,Hüsnü vəcahətdə yekta, bibədəl,Dızaq mahalında sənin tək gözəl--Həqdən istəmişəm bərqərar ola.
Əhli-halı görmək istər əhli-hal,Müzayiqə etmə, gər olsa macal.Sənin tək dərdmənd olmayan mahal,Görüm ki, dağılıb tarümar ola.
Belə işin nə ləzzəti, nə dadı,Xublar bilə görək aşnanı-yadı,Çəkəsən ağuşa bala Fərhadı,Şirin didarına intizar ola.
Ağlını cəm eylə, olma sərsəri,Səndə yoxdur eşqbazlıq əsəri,Fəhmü fərasətdə yüz sən tək PəriGərəkdir Məmmədə xidmətkar ola.
Kitabxana.az · https://kitabxana.az/ru/works/mehemmed-bey-asiq-asiq-peri
Клавиши ← → для перехода, R — случайное стихотворение