Könlüm səni istər
Yüz mah münəvvər ola, könlüm səni istər,Yüz şəms müdəvvər ola, könlüm səni istər,Yüz sərvi-sənəvbər ola, könlüm səni istər,Yüz saqi-kövsər ola, könlüm səni istər,Yüz qaməti-ərər ola, könlüm səni istər
Yüz mah misl-i afəti-can gözləri xumar,Yüz sib-zənəx qönçə dəhən nərgisi-bimar,Yüz zülfi-pərişan bəla cövbəti-xunxar,Yüz qaşı kaman şux pərizad cəfakar,Yüz kirpiki xəncər ola, könlüm səni istər
Yüz ləli-kəhrəbar ola, yüz gülşəni-rəngin,Yüz qaşı kaman incə miyan ləbləri şirin,Yüz qaməti-rəna ola, yüz kakili-pürçin,Yüz mahi-məlahət büti-zeba gül-nəsrin,Yüz zülfi-münənbər ola, könlüm səni istər
Yüz sim bədən incə miyan gözləri məstan,Yüz dilbər ola huriliqa nazik çəsban,Yüz xali-Həbəş gərdən-i-mina xətti-reyhan,Yüz sinəsi mərmər dişi dür afəti-dövran,Yüz bakirə duxtər ola, könlüm səni istər
Yüz şahidi-Şiraz, Hələb, Misr, Səmərqənd,Yüz zinəti-aləm fərəhəfza şəh-i-Fərxənd,Yüz şəm'i-dilafruz ola, yüz ləli-şəkərxənd,Yüz mən kimi biçarə Kərim hüsnünə həsbənd,Cümlə sənə çakər ola, könlüm səni istər
Kitabxana.az · https://kitabxana.az/ru/works/mucrim-kerim-konlum-seni-ister-2
Клавиши ← → для перехода, R — случайное стихотворение
Другие произведения автора
Стихи других поэтов · О любви
Çəkmiş yar oxunu, salmış yayına,Bağlamış belinə bu sədaqları.
İncizablarımVəhy ilə səmadan enmədir Quran.Quranla pestidən yüksəlir insan.
GörünməzGecə-gündüz həsrətində qalmışam,Ol sehmli tərlan hanı görünməz.
Təcnisİki mələk xəttat xəttin yazanda,Adın müshəfdə yazmış Yasinə,