Ey uğurlu qasid, bir xəbər yetir:Hardadır, necədir mənim nigarım?

Mənim canım üzük, ürəyim yetim,Neynir, nə düşünür o işvəkarım?

Ceyran baxışları yarıyuxulu,Mənim sünbül saçlım, çeşmi-xumarım!

Şəkər çeşməsinə təşnədir aləm,Çəkilib küncünə bir laləzarın...

Mənim dost tutduğum düşmənimdir o,Əzizim, istəklim, fəxrim, vüqarım!

Mən ki gecə-gündüz od içindəyəm,Gülün üstündəmi bal çəkən arım?!

Qanımı içsə də, suçlu bilmərəm,Əhdindən dönməkdə necədir yarım?

Ömründə bircə yol soruşmadı ki,Hanı o divanəm, o qırıq tarım?

Макта — последний бейт с тахаллусом поэта. Dərdindən Nizami Yəquba döndü,Bildimi Yusifim, dövlətim, varım?!

Клавиши ← → для перехода, R — случайное стихотворение

Случайное стихотворение

Другие произведения автора

Стихи других поэтов · О любви