Bilmirəm
Başımda bir şıdırğı var,Toydu-mağardı, bilmirəm.Gözümdə yer-göy qarışırBorandı-qardı bilmirəm.
Bir xanıma qonub quşumSinə uyardı? bilmirəm.Bir yol da gəlsin arxa suCadar-cadardı. bilmirəm?!
Kim nədə istəyir, çalırTardı-dütardı, bilmirəm.
Lap xalqımın da rüzgarıNə rüzgardı, bilmirəm.
Qoyun qanı su yerinəAx ki axardı. bilmirəm.
Hansı ulduzum parlayıb?Rəmmal tapardı. bilmirəm!
Satqınlar verdi saranı?Sellər apardı? bilmirəm!
Sözüm-sovum çoxdu hələÖmür qurtardı? bilmirəm!
Taleyim ağlar-güləyənQışdı-bahardı, bilmirəm.
Uşaq-muşaq şüar deyir
Bu nə şüardı? bilmirəm.Bu gün hamı bəydi, soyduTürkdü, tatardı - bilmirəm!Yamanın enlidir yoluYaxşının dardı?! bilmirəm!Heç kim eşitmir haqq sözüCümləsi kardı?! bilmirəm.Dərməyə çatmırsa əlimHeyvadı-nardı, bilmirəm.Paytaxtımızdırmı bakıYoxsa bazardı?! bilmirəm.Vağzalımız - vay halımız...Rusca - kaşmardı? bilmirəm.Fikir doğur qafiyədənYa boş axardı? bilmirəm.
Qabil hey-hey yazıb-tökdüBir şey başardı?! bilmirəm.
14 iyun 1999
Kitabxana.az · https://kitabxana.az/ru/works/qabil-bilmirem
Клавиши ← → для перехода, R — случайное стихотворение
Другие произведения автора
Стихи других поэтов
Ey ağalar, həsrətini çəkərəm,Bu mələk mənzərim bilmən handadı.
Keçər gedərDünya işində hər nə dutarsan keçər gedər,Hər nik ü bəd içində qılarsan keçər gedər.
DərdimiBabat babat yüz min mənim dərdim var,Kimə deyəm yana yana dərdimi
Ey aləm, Şəki, arif, QırağEy aləm, Şəki, arif, QırağTəmam əhli-ərş sakin Bozdağ