Dənizdə adam batıb...
Gecənin bir aləmiTir-tir titrədi şəhər,
Qopdu çərçivəsindənQapılar, pəncərələr.
Sovruldu asimanaYerin tozu-torpağı.Şaqqıltıyla qırıldıAğacların budağı.
Xəyalım uçdu bu dəmUşaqlıq çağlarınaƏlçatmaz illərdəki,Qumlu sahillərdəkiPirşağı bağlarına...
O vaxt, o zaman haçan -Haçan qopsaydı tufan,Haçan, haçan ki, XəzərNərildəsəydi nər-nər,Rişəsindən qopsaydıYaşıl-yaşıl tənəklər,Səma burulğanındaÇaşbaş olsaydı quşlar,
Yaylım atəşlərinəDönsəydi xırda daşlar,
Məsmə nənəm deyərdi,Suğra anam deyərdi,Fatma xalam deyərdi:Xəzri qopmayıb hədərQurban aparıb yenəQan-qan deyən ləpələr.Dənizdə adam batıb,Onunçun bir-birinəXəzri aləmi qatıb.Ya da nahaq qan düşüb,Bu bağlar arasında.Qız üstündə cayıllar...Uşaqlar arasında.
Ya hansı yekəbaşınAğız-burnu əyilib.Allaha xoş getməyənArtıq-əskik deyilib.
Xəzri allah cahadıXəzri allah inadı.Xəzri allah üsyanıÇərxi fələk fəğanı.
Bəs niyə bu gün qopmurAzərbaycanda xəzri?!
Təkcə Pirşağıda yoxHər yer, hər yanda xəzri?!
Dağ-daş ahu-fəğandır,Qurularım bir yana,Yaşlarım yanhayandır...Dolu zindanlarımızDüşmənə ərməğandır!..Gediş-gəlişlər hədər,Danışıqlar gümandır.Dənizdə cür’ət batırQəti qətiyyət batır.Kişilik axtalanır,
Qan dəryası daşmayır.Neçin ki, laxtalanır...Yerə, yurda dağılıbTökülmüş dəndi birlik,Pərən-pərəndi birlik.Lüzum varkən yumruğa,Lüzum yoxdur buyruğa.
Çıxır suyun üzünəCinayətlə, xəyanət.Batır suyun dibinəAbır-həya, ləyaqət.
Dənizdə suya gəlməzDilənçi uşaq batır.Gələcək nəsil batır,Günəşli sabah batır.Didişmə güdazınaVerilmiş torpaq batır.
Dənizdə adam batmır,Dənizdə millət batır.
Şan batır, şöhrət batır,Kim-kimi bəyənməyir,Əli tətikdə hazır.Kim-kimi bəyənməyirQətlinə fərman yazır.Batmış qanlar bürüyübBu gün dağı-dərəni.Ay Allahın cahadı,Əs, ey dəli tufanım,Dəyiş bu mənzərəni!
Təyyarədən satqınımEnir qolları bağlı.Cəza cəza yerindəBaxıb xəcalət çəkirVətən sinəsi dağlı.
Məscid məscid dibində,Məscid işbaz cibində.Yox, Allah evi deyilBu Allah evcikləri.
Xəzri, yerlə-yeksan etBu haram evcikləri.Bu günah evcikləri,Bu tamah evcikləri.
Bu bəladan hamınıXilas et, qopar, Xəzri!Xalqı qat qabağınaCəbhəyə apar, Xəzri!
Dənizdə adam batıb,Yenə də bir-birinəXəzri aləmi qatıb.Pirşağı bağlarında,Uşaqlıq çağlarındaRəhmətliklər deyərdi...Rəhmətliklər nə yaxşıGörmədilər bu dərdi.
22 aprel, 1996
Kitabxana.az · https://kitabxana.az/ru/works/qabil-denizde-adam-batib
Клавиши ← → для перехода, R — случайное стихотворение
Другие произведения автора
Yardımlıya qonaq gəlinO, nağıldı, rəvayətdi.
Ay meşəHansı meşə olar sənə tay, meşə?Bu yerlərin yaraşığı, ay meşə!
Gözün aydınMərhum jurnalist-yazıçı, kövrək qəlbli, istəkli ziyalımız hacağa Cümşüdlü bu günlərimizi - Azərbaycanın istiqlalını, müstəqilliyini yana-yana arzulayan nadir şəxsiyyətlərdən biri idi.*O, yazmışdı:*
VətənHuşu başdan edən bir yaraşıqdan,Gözü qamaşdıran çılğın işıqdan,
Стихи других поэтов
Aləm, səndən mən bir xəbər alayım,Cənnətin çırağı nə içindədir?
TiflisinQazılar, sizdə bilin necədir halı Tiflisin,Əkləşüb Sərdar Orbəl cah-cəlalı Tiflisin,
OlmuşamAşıq Şenlik:*Ta əzəldən qətrə ikən bəhri ümmün olmuşam,
Beməxə (Fərsiz){| class="wikitable" style="font-size:1.0em; text-align: left;" width="80%"|-bgcolor="#D8BFD8"