Hörmətimiz
Diriyə hörmətimizdir ölüyə hörmətimiz,Olmasın yasin onun ruhuna qoy minnətimiz.
Dirinin şə’ninədir məclisimiz-ehsanımız,Dirinin şə’ninədir tapşırılan qur’anımız.Ölüdən yox, dirilərdən utanır vicdanımız,Gözümüzdən özümüzçün tökülür leysanımız.Diriyə hörmətimizdir ölüyə hörmətimiz,Olmasın yasin onun ruhuna qoy minnətimiz.
Aparıb getdi başın, mərhuma -- rəhmət -- deyirik,Beş qarış torpağa şükr ilə -- kifayət -- deyirik.Kişi çiynində gedən tabuta -- qismət -- deyirik,Dirilərçindir əsl -- həşri-qiyamət -- deyirik.Diriyə hörmətimizdir ölüyə hörmətimiz,Olmasın yasin onun ruhuna qoy minnətimiz.
Kim gedir... kim də gəlir fatihənin izni ilə,Sayılır yas yiyəsi məclisinin vəzni ilə...Molla da vəznə münasib görünür əzmi ilə,Bəzi insan elə lap fəxr eləyir hüznü ilə...Diriyə hörmətimizdir ölüyə hörmətimiz,Olmasın yasin onun ruhuna qoy minnətimiz.
Gəl qəbiristanlığa heykəllərə bax, daşlara bax,Qranitlərdə, naxışlarda uçan quşlara bax.Əksə bax, surətə bax, hər cürə nəqqaşlara bax,Ölü yoldaşa nə dəxli, diri yoldaşlara bax,Diriyə hörmətimizdir ölüyə hörmətimiz,Olmasın yasin onun ruhuna qoy minnətimiz.
Ölüdən hər nə qalıbdırsa, onu sağ aparır,
Onu borc verdi də, öz borcunu torpaq aparır.Ölü heç bir şey aparmır, azacıq ağ aparır,Ömrü sonsuzluğa əldən-ələ bayraq aparır.Diriyə hörmətimizdir ölüyə hörmətimiz,Olmasın yasin onun ruhuna qoy minnətimiz.
01.08.1993
Kitabxana.az · https://kitabxana.az/ru/works/qabil-hormetimiz
Клавиши ← → для перехода, R — случайное стихотворение
Другие произведения автора
Стихи других поэтов
Əya ey mərdümi-aləm, baxın bu bir rəvayətdir,Bu əsrin xalqına ancaq münasib bir hekayətdir
SevdiyimSizin yerdə nə adətdi Fərhada,Böhtan deyən aşinayə, sevdiyim.
MiçəkQurdum hər cür torumu, vermədi fayda miçəkə,Sataşır gündə gözüm xörəkdə, çayda miçəkə,
Di gəlsinSənə qurban olum, səadətli xoca,Qərib xan dadaşıma di gəlsin,