Sovet İttifaqı Qəhrəmanı, akademik Ziya Bünyadova ithaf edirəm.

Otuz yeddidən qalıbBu köhnə, uçuq təndir.Qəbir daşları kimiDaşları soyuq təndir.Sifət qırışları təkSuvağı çat-çat təndir.Hörgü yarıqlarındaTikan, qarağat təndir.Yatıb-çıxanlar kimiƏyri, batabat təndir...Əlində bəraəti...Beli ikiqat təndirÖmür... tale... heç nədənKül olmuş həyat təndir.Küllüyü də qalmayıb,Barı, salamat təndir.Külündən tanıyaydıq,Kül olub gedənləri,Şil olub gedənləri...

Otuz yeddidə təndir,Odunla qalanmadı,Çır-çırpıyla yanmadı,Tariximin təbərrikVaraqlarıyla yandı.Dəsti-xətlə yazılmışYarpaqlarıyla yandı...Soraqlarıyla yandı.

Əqlin, fikrin, zəkanınBarıyla yandı təndir.Neçə-neçə dühanın,Nəsillərə hədiyyəXəzinəsi, dövləti -Varıyla yandı təndir.

Əski əlifba iləNə gördük: - ilan! - dedik,-Əski inqilab - dedik,– Amandır, düşman - dedik– Xətası bizdən uzaq,

– Tez ol, dedik - yan! dedik– Can şirindir, neynəyək...Yan, qurtarsın, can - dedikKağız qırığı gördük, -təndirə fırlan dedik.

Otuz yeddidə təndir,Demə, çörək bişirdi...Qorxudan, vahimədənTir-tir ürək bişirdi...

Qur’anı yandırandaAllahın qəzəbindən,Qorxmadı qoca-qarı.Xəyalına gətirdi,Qanlı istintaqları...– Allah günahımızdanKeçər - söylədi millət– Cəllad Allah tanıyır,Məyər? - söylədi millət.

Otuz yeddidə təndir

Yandı can yanğımızla,Vicdan əzabımızlaNeçə nadir nüsxəmiz,Nadir kitabımızla...

Üzümüzü qarsıyırİstisi indi belə,Gözümüzü yaşardırTüstüsü indi belə.

Dolanır çərxi-fələk,Uçuq təndir qaralır.Günahsız qurbanlar tək,Otuz yeddidən qalır.

Клавиши ← → для перехода, R — случайное стихотворение

Случайное стихотворение

Другие произведения автора

Стихи других поэтов