Bu söz ki var, bunu, ey mahiparə, mən demişəm,Əsir edib məni ol zülfü qarə, mən demişəm.

Sənə nə qədri deyilmişdi, qeyrə yar olma,Hələ bu sözdən əlavə dübarə, mən demişəm.

Solar o gül üzün, əlbəttə, bir zaman, gözəlim,Çox etibar eləmə ruzigarə, mən demişəm.

Cəmalın atəşinə ay və gün deyən çox olub,Üzündə xalına yanmış sitarə, mən demişəm.

İnanma, ey dil, o çeşmi-siyahə, qanın içər,Yaxınlıq eyləmə məstü xumarə, mən demişəm.

Vəfasız olmağını bilməyirdi bir kimsə,Xəlaiq içrə bunu aşikarə mən demişəm.

Ol ahu gözlüyə, Vahid, kəmənd atır əğyarKi, qoymayın onu gözdən kənarə, mən demişəm.

Клавиши ← → для перехода, R — случайное стихотворение

Случайное стихотворение

Другие произведения автора

Стихи других поэтов · О любви