Dəli könlüm, gözəlim, zülfünə olmuş mail,Yenə zənciri-cünun əqlimi etmiş zail.

Min bahar olsa, cahan cənnətə dönsə, gözəlim,Görməyincə üzünü aşiqin olmaz qail.

Tez salar ortaya yüz təfriqə bimehr fələk,Vəsli-canana əgər bir kərə olsam nail.

Aşiqin canını naz ilə gözəllərmiş alan,El içində böyük əfsanə imiş Əzrail.

Yetərəm vəslinə ol mahın, əgər biganəArada olmasa zülmət kimi hər gün hail.

Nola sərgəştə dolansam təməi-zülfün ilə,Ehtiyac olmasa, dünyanı dolanmaz sail.

Kimsədən incimə, Vahid, səni incitsə o gül,Tutduğun felinə, əlbəttə, özünsən fail.

Клавиши ← → для перехода, R — случайное стихотворение

Случайное стихотворение

Другие произведения автора

Стихи других поэтов · О любви