Yarın rəhi-eşqində könül qan ola, xoşdur,Hicrində gözüm hər gecə giryan ola, xoşdur.

Mən ki, bu qara gözlülər eşqində əsirəm,Sinəm hədəfi-navəki-müjgan ola, xoşdur.

Sən əsrimizin indi Züleyxasısan, ey gül!Aşiq sənə min Yusifi-Kənan ola, xoşdur.

Yığma başına, naz ilə bir şanə çək hərdən,Könlüm kimi zülfün də pərişan ola, xoşdur.

Gəl sinəni göstər mənə hər sübh zamanı,Gül bülbül üçün çaki-giriban ola, xoşdur.

Rüxsarın odu könlümü yaxdıqca sevinnəm,Pərvanə üçün şöleyi-suzan ola, xoşdur.

Canan nə cəfa eyləsə, Vahid, yenə səbr et,Eşq əhli əsiri-qəmi-canan ola, xoşdur.

Клавиши ← → для перехода, R — случайное стихотворение

Случайное стихотворение

Другие произведения автора

Стихи других поэтов · О любви