Qasid, yarım məni səndən sorarsa,Söylə, Məcnun çıxdı dağa, soruşma.Sorğu-sual çox dərinə vararsa,De ahından odlar yağa, soruşma.

Dilim tutmaz bimürvəti soruşam,Baxçasından cüda düşən bir quşam.Ucbatından qəhərlənib uçmuşam,Tənha qondu de budağa, soruşma.

Alı neynər bülqarı görəndə,Tərlan oylağında sarı görəndə,Bülbül gül üstündə xarı görəndəƏsla dönməz bir də bağa, soruşma.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Təbiət və bahar