Bana badi-səba ol sərvi-gülrüxdən xəbər verməz
Qəzəl nədir?
Qəzəl: eyni qafiyəli beytlərdən (iki misralıq bəndlərdən) qurulan lirik şeir.
Bana badi-səba ol sərvi-gülrüxdən xəbər verməz,
Açılmaz qönçeyi-bəxtim, ümidim nəxli bər verməz.
Töküb göz yaşını sənsiz həlakim istərəm, əmma
Əcəl peykinə seyli-əşk girdabi güzər verməz.
Gözümdə məskən et, xari-müjəmdən ehtiraz etmə,
Güli-xəndanə sordum, xarə yar olmaq zərər verməz.
Əgər can almaq istərsən, tənimdən oxunu kəsmə
Ki, pəjmürdə nihalə verməyincə su, səmər verməz.
Qiyas et şəm’dən, vəhm eylə çərxin inqilabından
Kim, ol baş almağa qəsd etməyincə taci-zər verməz.
Bəla zimnində rahət olduğun izhar edər xəlqə
Fələk, bihudə xari-xüşkdən gülbərgi-tər verməz.
Füzuli, dəhrdən kam almaq olmaz olmadan giryan,
Sədəf su almayınca əbri-nisandan, gühər verməz.
Kitabxana.az · https://kitabxana.az/works/fuzuli-bana-badi-seba-ol-servi-gulruxden-xeber-vermez
← → düymələri ilə keçid, R — təsadüfi şeir
Müəllifin digər əsərləri
Süluki-fəqr ətvarım, məzaqi-eşq halımdır,Təcərrüd aləmi seyrində aləm payimalımdır.
Şəfayi-vəsl qədrin hicr ilə bimar olandan sorŞəfayi-vəsl qədrin hicr ilə bimar olandan sor,Zülali-zövq şövqün təşneyi-didar olandan sor.
Xəm açıldıqca zülfündən bəlavü möhnətim artarXəm açıldıqca zülfündən bəlavü möhnətim artar,Bihəmdillah ki, ömrüm uzanar, cəm’iyyətim artar.
Nola gər rəşki-rüxsarinlə bağrı xubların qandır artarNola gər rəşki-rüxsarinlə bağrı xubların qandır,Daşı tə’sir ilə lə’l eyləyən xurşidi-rəxşandır.
Başqa şairlərin şeirləri · Fələk və tale
Gözəlim bilmədi necəyəm bir az,Kim ona aşiqsə bəxtiyar olmaz.
Zəmanə saldi əcəb mohnətu məlalə məniZəmanə saldi əcəb mohnətu məlalə məni,O mahrudən iraq verdi qəm zəvalə məni.
پیش مستان از خرد بیگانه می باید شدنچون به طفلان می رسی دیوانه می باید شدن
FələkƏlindən eylərəm kimə şikayət,Axır məni xar etdin fələk,