Qarabağdan durna uçdu,Qanadını qırıq gördüm.Yuvalardan köçhaköçdu,Arada ayrılıq gördüm.

Durnasız zirvələr ağlar,Ağlar elsiz qalan dağlar,Dağlarda al boyanıb qar,Qövr elədi köhnə dərdim.

Ellərimiz qəhrəmanlı,Mərdlər yatır köksü qanlı,Çağırdım ahlı, amanlı,Oyanmadı yatmış mərdim.

Üz döndərdim fələklərdən,Daşa dönmüş ürəklərdən,Qana batmış çiçəklərdənŞəhidlərə çələng hördüm.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Vətən