Zoğallar çiçək açır,Fikrimdə durna uçur,Qönçələr gülab içir,Quzular mələşəndə.

Aranda ot cücərir,Tarlada dən göyərir,Fikrim bənövşə dərirQuzular mələşəndə.

Dağlarda əriyir qar,Qar suyu içir çaylar,Təbiət çiçək paylarQuzular mələşəndə.Səməni eli gəzər,Hər evdə süfrə bəzər,Yaz yeli qönçə düzərQuzular mələşəndə.

Açılar qar çiçəyi,Bağlarda bar çiçəyi,Döyünər qız ürəyiQuzular mələşəndə.

Bu vəfasız dünyada,Ömürlər gedir bada.Məni də salın yadaQuzular mələşəndə.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Təbiət və bahar