Alır silahını atırsan nəyə,Atdıran nədəndi, atan nədəndi?Yaxşı insanları yaxşı diləyə,Çatdıran nədəndi, çatan nədəndi?

Zərin gətir zərgərinə satana,Qatil, qəddar ələ keçdi satana,Ellər deyər xalqa yalan satana,Satdıran nədəndi, satan nədəndi?

Aşıq Vəli gəzər dağı, aranı,Yaxşı insan sakit eylər aranı,Qal qaldıran qana qatar aranı,Qatdıran nədəndi, qatan nədəndi?

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Vətən