Sən, a bütün türkləri hindu qılan,Kaş olasan ovçu gözündən nihan.

Cismimi qurban demişəm telbətelZülfünün hər bir telinə yanbayan.

Varmı halım, əl vurasan, tab edim,Ey bu yazıq canıma min ox vuran!

Mən ki cigər qanımı etdim ruzu,Ey qanımı mey tək içib kam alan!

Sən gecələr dinc uyuyan bir mələk,Mən bir evin dövrəsinə fırlanan.

Qoy qapanım, gül qədəmin bir qucum,Çoxmu uzaqdan baxacam bağrıqan?!

Bal dodağından öpərəm, qorxmasam,Kirpiyin oxdur, qaşın hazır kaman.

Məqtə — şairin təxəllüsü olan son beyt. Çoxdu sevən... amma səninçün, gülüm,Bircə Nizamindi göyə yalvaran.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Eşq