Yoldan ötən xanımlara
Yoldan ötən xanımlaraBaxım, gözümü aldadım.Qoy özgələr aldadınca,Özüm-özümü aldadım.
Ömrün-günün bu çağındaNə umuram sabahımdan?!Oturum yol qırağında,Yorğun dizimi aldadım.
Başım dik, belim bükülü,Yanmışam, gülüm tökülür,Bir az üfürüm bu gülü,Sönən gözümü aldadım.
Ömrümün son gecəsində,Üstümü əcəl kəsəndə,Ölməyim son nəfəsimdə,Son nəfəsimi aldadım…
Kitabxana.az · https://kitabxana.az/works/ramiz-rovsen-yoldan-oten-xanimlara
← → düymələri ilə keçid, R — təsadüfi şeir