Eşitdim sədanı, a minagərdən,Gecə-gündüz uça-uça gəlmişəm.Şəkər dodaqlardan balı əmməyə,Sayma məni belə, qoca gəlmişəm.

Neçə günlük yolu qəsd edib cana,Soyuqda, çovğunda mən dona-dona.Tamaşa qılmağa bala ceyrana,Ay, ay qabaq, boyu uca, gəlmişəm.

Xəbər bildim, aşıqlarla yağısan,Məmmədhüseynin bağçasısan, bağısan.Söylə görüm bu meydana hazırsan?Səndən bac almağa, baca gəlmişəm.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri