Hər əhli-hüsn kim, məni-bədbəxtə yar olur,Bilməm nə rəmzdir ki, dönüb şivəkar olur.

Hər mahi-sim-saqə ki, mən müştəri olam,Səngi-məhəkdə qəlb çıxıb, kəm-əyar olur.

Yüz dəfə lütf ilə eləsə vədeyi-visal,Qismət mənə haman ələmi-intizar olur.

Bunca cəfaların görüb ol binəva könül,Ol bivəfayə, gör, genə ümmidvar olur.

Məqtə — şairin təxəllüsü olan son beyt. Seyyid, təhəmmül et şəbi-hicranə, çəkmə ah,Bir gün olur ki, kamincə ruzigar olur.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Eşq