Qoy bütün aləm gəlib görsün, nigarım rəqs edir.Rəqs edir dünya gözümdə, iftixarım rəqs edir.Söyləyin bülbüllərə sussun, bir anlıq ötməsin,Hüsnü dillər əzbəri, şux nəğməkarım rəqs edir.Seyr edir qəmsiz, xəzansız ömrümün gülzarını,Könlümün mülkündə solmaz ilk baharım rəqs edir.Gəlməmək ilhama, pərvaz etməmək mümkün deyil.Nazəninim, dilbərim, eşqim, vüqarım rəqs edir.

Görməyib ellər məni onsuz, onu mənsiz bir an,Ağ günümdə, şad günümdə etibarım rəqs edir.Mən Süleyman Rüstəməm, xoşbəxtlərin xoşbəxtiyəm,Sərvərim, peyğəmbərim, “pərvərdigarım” rəqs edir.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Eşq