Ya ilahi, istərəm səndən bu ənami mana,Edəsən həmdəm kim, ol sərvi-güləndamı mana.

Şol büti-namehriban hərgiz məni yad etmədi,Bir məhəbbət qılmadı axır sərəncamı mana.

Cövri-hicran çəkdiyimdən qalmayıbdır taqətim.Ya nəsib etsin nolaydı səbrü aramı mana.

Könlüm aldın bitəkəllüf, canımı almaqdurur,Güldürür eşqində dayim hasilin ami mana.

Məqtə — şairin təxəllüsü olan son beyt. Keçdi ömrün ey Xətai, uş bu zaye dünyada,Şol vəfasız dilbəridən vermədi kami mana.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Eşq