Gəl, ey dünyanın gözəli,Gəl, gəzək bu yaz axşamı.Ruhumuzun yaşıl vaxtı,Ömrümüzün saz axşamı.

Ortaya qəm gətirməyək,Dərd yük olsa, götürməyək.Boş-boşuna ötürməyək,Bəxtə düşən az axşamı.

Bir yaram var, məlhəm eylə,Zəlimxanı Kərəm eylə,Barmağını qələm eylə,Bəxtimizə yaz axşamı.

2006, avqust

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Fələk və tale