Dantenin heykəli
Dante - cahan şe’rinin tacında dürr, gövhər,Əsrinin vətəndaşı, vətəninin övladı.
Dolandıqca zəmanə, dolandıqca nəsillərXalqının and yerinə dönür şairin adı.
Dünən qiymətli cihaz bu gün qiymətsiz olur,Bu gün üçün köhnədir dünənin teleskopu.Dünənin təyyarəsi bu gün vüsətsiz olur,Köhnəlibdir dünənin bu gün tüfəngi, topu.
Fəqət köhnəlibdir sənət, dəbdən düşməyir əsər,Xəyyamın, Firdovsinin, Nizaminin dühası.Dəbdən düşməyir bir an dantelər, petrarkilər...Dəbdən düşməyir eşqin leylisi, laurası...
Şer yazan maşınlar çıxır sıradan daha,İtaliya bərk tutur ətəyindən Dantenin.Balaca bir heykəldə yaşayır böyük düha,Balaca heykəlinə baş əydim, Dantenin.
Nəhəng abidələrə alışıbdır gözümüz:Puşkin, Raynis, Füzuli, Mayakovski, Sabir...Heykəl kiçik də olur, olsun, yoxdur sözümüz,Nəhənglər bir-birini onsuz da kölgələmir.
Axşamdan xeyli keçir, seyrəlməyir küçələr,Oğlanlar gedə-gedə qızlardan öpüş alır.Hər gün Florensiya “kefə baxır” gecələr,Hippilər cuşa gəlib tinlərdə tam-tam çalır.
Kəlisa meydanında beş-on nəfər tiryəkiHavay gitarasının tellərini yandırır.Dantenin heykəlinə işıq düşür çəpəkiBapbalaca heykəli işıq qanadlandırır.
Kitabxana.az · https://kitabxana.az/ru/works/qabil-dantenin-heykeli
Клавиши ← → для перехода, R — случайное стихотворение
Другие произведения автора
Стихи других поэтов · О родине
Ey torpağı ləlü mərcan, Azərbaycan, Azərbaycan,Mən verərəm uğrunda can, Azərbaycan, Azərbaycan!
RüşvətxorlarHardasa iki namərdoturub üz-üzə indi;
Şübhənmi var?Ey könül, dar-i fənadan köçməyə şübhənmi var,Ol əcəl cami-şərabın içməyə şübhənmi var,
Yaz“Heydərbaba!” yaz günəşi parlayır,Gülə dolmuş yaşıl bağlar, göy çayır.