Birinci pərdə
Страница 4 из 4 · 75%
Gövhər (əlindəki yemək podnosunu stolun üstünə qoyur)
Quluş, qadan alım, sənə bir söz desək, acığın tutmaz ki?
Əliqulu
Sözə baxır da.
Gövhər
Gəl otur, yemək ye, yorulmusan...
Xəlil
Canına bax, özünü əldən salma, üzülərsən.
Gövhər
Əsəbiləşmə, bütün günü hirslənirsən. Nə olub sənə?
Əliqulu
Duz ver!
Gövhər
Duz budur, burada. Sənə bir söz desək, acığın tutmaz ki?
Əliqulu
Dedim, sözə baxır da...
Xəlil
Ürəkaçan sözdür.
Gövhər
Bir oğlan var, səni onunla tanış eləmək istəyirik.
Xəlil
Aqronomdur.
Əliqulu
Bizim ştatımızda aqronom yeri yoxdur.
Xəlil
Qulluğa girmək istəmir ey...
Gövhər
Səninlə tanış olmaq istəyir.
Əliqulu
Qız deyiləm ki, mənimlə tanış olur?
Xəlil
Qızla tanış olub. İndi də səninlə görüşmək istəyir.
Əliqulu
Necə? Mənim qızımla tanış olub?
Gövhər
Yox ey... Elə deyil...
Əliqulu
Gövhər, bilirsən ki, mənim hirsim tutanda başımda ildırım çaxır.
Gövhər
Allah, sən saxla!
Xəlil
Ay Əliqulu, acığın niyə tutur? Maşallah, qızın ərə getməli qızdır da...
Əliqulu
Bilirsən nə var, Xəlil! Mənim evim kolxoz bazarı deyil, sən də burada qarpız satmırsan...
Gövhər
Ayıbdır, Quluş, elə sözlər demə.
Xəlil
Dedim mən qarışmayım, bu Əliqulu cəncəl adamdır...
Əliqulu
Mənə bax, Xəlil! Neçə illərdi gözə görünmürdün, indi nə eşidib gəlmisən? Yoxsa Əliqulunu ölmüş bilirsən? Onu bil ki, mənim qızımla tanış olmaq üçün əl uzadanın əlini kəsərəm, mənim evimə ayaq basanın ayaqlarını qıraram.
Gövhər
Xoşhaxoşluqla söz danışırıq, niyə çığırırsan?
Əliqulu
Öz işimdir, istərəm çığıraram.
Gövhər
Yaxşı, özün bil. Qoy qızın qarıyıb evdə qalsın.
Əliqulu
Qalsın, razıyam, razıyam!
Qumral Kamalı çəkib, içəri gətirir.
Qumral
Razıdır, gəl...
Gövhər, Xəlil onları qaytarmaq istəyirlər, ancaq gecdir. Əliqulu Kamalı görmüşdür.
Əliqulu (təəccüblə)
Bu oğlan kimdir?
Qumral
Ata, bu oğlan Kamaldır.
Əliqulu
Kamal kimdir? Dayan, dayan görüm.
Gövhər (Qumrala)
Biz hələ sözümüzü qurtarmamışdıq.
Xəlil
Çiydir, hələ bişməyib.
Qumral
Ata!
Əliqulu
Saxla! Məni başa salın görüm bu Kamal kimdir? Gözümə şübhəli görünür.
Kamal
Şübhəli bir şey yoxdur. İcazə verin kim olduğumu özüm deyim.
Qumral
Kamal, vaxtı deyil.
Kamal (Qumrala)
Sən toxta, gör nə siyasətlə danışacağam. (Əliquluya) Utansam da, gərək sözün düzünü deyim. Mən sizin evinizə ən bahalı, ən qiymətli cavahirat üçün gəlmişəm.
Əliqulu
Obe-xe-esdən?
Kamal
Xeyr, Əliqulu əmi.
Əliqulu
Əmi-zad deyib, ayağımın altına xalı sərmə. Nazirlikdən göndəriblər?
Kamal
Heç kəs göndərməyib, özüm gəlmişəm. Dediyim cavahirat sizin qızınızdır.
Əliqulu
Valı dəyişdirdi, hərifdir. (Kamala) Hə, mənim qızım evdə nə var, nə yox hamısını sənə danışıb?
Kamal
Bəli, danışıb. Biz bir-birimizi...
Əliqulu (onun sözünü kəsir)
Baş-ayaq vurma! De görüm, səni bura kim göndərib? Mənim evimdə nə axtarırsan? Sənə bir ləzgihəngi gələrəm ki, Əliqulu adı eşidəndə tüklərin başında vız dayanar!..
Xəlil
Yaxşı, yaxşı. Belə iş üstündə adam öldürən hələ görməmişəm.
Əliqulu
Xəlil, sən mənim daxili işlərimə qarışma. (Kamala) Çıx buradan!
Gövhər
A kişi, səbrini dər! Sakit ol!
Kamal
Yaxşı, mən gedirəm. Qəm yemə, Qumral, eybi yoxdur. Biz bu evə ayrı qapıdan gələrik.
Əliqulu
Buraya ayaq basanın ayağını qıraram. Qumral, səninlə söhbətim sonraya qalsın. Aç qapını, rədd olub getsin. Gövhər, tut qolumdan, yoxsa, qorxuram əlimdən xata çıxa.
Gövhər
Bəri gəl, görüm, doğrudan da, xata çıxardarsan...
Əliqulu
Gövhər, yıxdın mənim evimi!
Qumral
Bağışla, Kamal can, mən axı sənə dedim də.
Xəlil
Dayan, getmə, oğul, sözüm var.
Əliqulu
Yenə əsəb mərkəzimə təsir eləyirsən, Xəlil!
Xəlil
Sən də mənim mərkəzimə təsir eləyirsən, daha ağ elədin!
Əliqulu
Xəlil, Əliqulu ölməyib ki, onun evində ağalıq eləyirsən...
Xəlil
Xəlil də ölməyib. Mən işə girişsəm, qabağımda Əliqulu-Məliqulu davam gətirməz.
Pərdə
Kitabxana.az · https://kitabxana.az/ru/works/sabit-rehman-eliqulu-evlenir-birinci-perde
Клавиши ← → для перехода, R — случайное стихотворение
Другие произведения автора
Dördüncü şəkilYasəmən pərdə qabağına çıxır.*
Şirin bülbül1**Elə bir zamandan danışıram ki, böyüklərin xatirəsində çox yaxşı qalıb, kiçiklərin isə heç ağlına gəlməz.
Nəfəs puluƏsgər ağa konyak butulkasını boşaltdıqdan sonra qolunun bütün qüvvəti ilə bağın aşağısına doğru fırlatdı və ayağa durub donuq gözləri ilə o yan-bu yana baxmağa başladı.Uzaqdan qulağına incə bir zarıltı gəldi.
Çiy ətTədarük anbarının müdiri Məmməd Qəribov səhər tezdən yerindən qalxıb tələsik geyinməyə başladı.Arvadı təəccüb qaldı:
Стихи других поэтов
Bu şəhin zatini haq məzhəri-tofiq etdi,Namini çünki Qədir isminə tətbiq etdi.
Yeriməz salik olan rahi-rizadən qeyriYeriməz salik olan rahi-rizadən qeyri,İstəməz arif olan cövrü cəfadən qeyri.
Qəzəl: Qəza surətgərin gəl gör nə xoş çəkmiş bu tuğranıQəza surətgərin gəl gör nə xoş çəkmiş bu tuğranı,Yazub dibaceyi-hüsnündə: haza Yusifi-sani
Gəraylı: Xəbər olsun yar-dostaXəbər olsun yar-dosta,Bu fanidən köçdü Qubad.