Gözün götürmür
Mən atəş, sən quru, soyuq taxtasan,Kükrəyən ilhamı gözün götürmür.Sısqa bulaq kimi künc-bucaqdasan,Dənizəm, dalğamı gözün götürmür.
O qədər qanına keçib xəbislik,Elə bilirsən ki, yaxşıdır pislik.Fitnədən yazarsan bütöv bir dərslik,Ancaq bir misramı gözün götürmür.
Hər şerim çıxanda yanıb-yaxırsan,Bir təbrik sözünü qızırqanırsan,Şeir canandır ki, səni qısqanırsan!Niyə sevir hamı, gözün götürmür!
İlan tək qıvrılıb əzab içində,Ürəyin boğulur çirkab içində,Zəhərsən örtülü bir qab içində,Şərbət dolu camı gözün götürmür.
Bəd gündə yadına bu həmyaş düşür,Baxırsan, gözündən hətta yaş düşür.Xoş gündə başına niyə daş düşür!Mənə ehtiramı gözün götürmür.
Sən də yaz, şerini el xəbər alsın,Gözün qaralmasın, kağız qaralsın.Öz qələm yoldaşın bir yana qalsın,Ömər Xəyyamı da gözün götürmür.
Heyif ki, olmadın qanıb-qandıran,Dünyada yox səni bir inandıran.Məni zirvələrə qanadlandıranMəsləki, inamı gözün götürmür.
İndi qızıl minir öz qiymətinə,Sənin tək baqqallar düşüb çətinə.Kor qalıb bugünkü həqiqətinə,Belə bir əyyamı gözün götürmür.
Əl götür bu özgə paydan, mənimdir,Nə gəlsə ulduzdan, aydan, mənimdir.İndi fürsət mənim, meydan mənimdir,Bu fikri, məramı gözün götürmür.
Sən dosta xəyanət, mən dəyanətəm,Dostlarla doludur dövrəm, əhatəm.Ay canlı nekroloq, ay üzü matəm,İşıqlı dünyamı gözün götürmür.Sən gəda, mən sənət mülkündə hatəm,Bu Tofiq Bayramı gözün götürmür.
Kitabxana.az · https://kitabxana.az/ru/works/tofiq-bayram-gozun-goturmur
Клавиши ← → для перехода, R — случайное стихотворение
Другие произведения автора
Yığılsın başıma dostlar, tanışlar,Otağım böyüsün kainat qədər.
Çadra tapılmadıYavaş-yavaş aralanır məxmər pərdələr,Çil-çıraqlar ağ salona səpir nurunu...
Azərbaycanım gəlirMoskvanın qoynunaŞerim, dastanım gəlir.
Mübariz çağırışEy gənclik, hazırla zəfər çantanı,Yolçu yolda gərək demiş babalar.
Стихи других поэтов
Hər nə kim almaq dilersən, al ilə gəl məndən al,Aldanıram mən sənə, sən hər necə edərsən al.
AğlaramSənin ilən keçirdiyim günləriEy sevdiyim, indi anıb ağlaram
QayıtdıBir nazənin huri mələk simalıGəldi, məni gördü, güldü, qayıtdı
BəriEy ağalar, oldum dərdə giriftarBir çeşmi-xunxarı sevəndən bəri