Könül, bu naz eləyən məhliqalərin nəyi var?Cəfadan özgə bu zülfi qaralərin nəyi var?

Bir azca qəm dağıdan bunların gözəlliyidir,Bu da gər olmasa, bu bivəfalərin nəyi var?

Yenə təsəlli verən aşiqə gözəllərdirKi, yoxsa qüssə çəkən mübtəlalərin nəyi var?

Şikəstə ney kimiyəm, başqa həmdəmim yoxdur,Havayi-eşqə düşən binəvalərin nəyi var?

Ümidi-mehrü vəfa umma aşinalərdən,Özün də fikr elə, gör aşinalərin nəyi var?

Sədayi-musiqi etsin gərək könülləri cəzb,Ürək sıxan, yolu xaric sədalərin nəyi var?

Üzündə dilbərimin türrələr; təəccübüyəm,Xəzinə üstə bu kəc əjdahələrin nəyi var?

Rəqibi qoymayınız, kuyi-yarə yol tapsın,Behişt içində bu xain gədalərin nəyi var?

Ümumə xidmət elə, qorxma, Vahid, artarsan,Özü özün bəyənən xudnümalərin nəyi var?

Клавиши ← → для перехода, R — случайное стихотворение

Случайное стихотворение

Другие произведения автора

Стихи других поэтов · О любви