Yetişdi qeyri aşiqlər vüsali-yarə, biz qaldıq,Xəlayiq çarə tapdı dərdinə, biçarə biz qaldıq.

Hamı öz sevdiyi məşuqəsilə şadi-kam oldu,Yanan pərvanələrtək ruzü şəb odlara biz qaldıq.

Rəqibi bimürüvvətlər fərəhnak oldu aləmdə,Sevib cananı, həsrət türreyi-dildarə biz qaldıq.

Keçirtdik tiri-nazın sinədən hər mahrüxsarın,Yenə bimehr çıxdı, təneyi-əğyarə biz qaldıq.

Məhəbbət gülşənində bir gül əkdik, zəhmətin çəkdik,Səfasın özgələr gördü, cəfayi-xarə biz qaldıq.

Bütün divanələr, Vahid, kəməndindən xilas oldu.Yenə ol zülfə bağlı müttəsil avarə biz qaldıq.

Клавиши ← → для перехода, R — случайное стихотворение

Случайное стихотворение

Другие произведения автора

Стихи других поэтов · О любви