Hər kimə həmrah Fəzlullah ola,Ana fəzli-feyz ol Allah ola.

Hər nə kim edər kişi, ey yol əri,Ol gərək kim, həsbətən lillah ola.

Eşqi-məşuqə qul olan sidq iləDünyəvü üqba içində şah ola.

Aşiqin işi gərək şamü səhərVirdi həsrət göz yaşilə ah ola.

Bu üfüqdən hər sitarə kim doğar,Mehri-aləm can gögündə mah ola.

Nur ilə röşən ola bu kainatOl səadət nəcmi Şəmsullah ola.

Vəchi-adəmdir sirati-müstəqim,Ana doğru getməyən birah ola.

Etməyən səcdə mələkvəş adəməDivi-məlun, asiyi-gümrah ola.

Məqtə — şairin təxəllüsü olan son beyt. Öldürür sultan iki aləmdə bəs,Çün Həbibi hər ki, Abdullah ola.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Eşq