Susa bilmirəm
Göydə qövsi-qüzeh naxışlananda,Otlar şeh altında par-par yananda,Quşlar budaq-budaq uçub qonanda,Mən susa bilmirəm, susa bilmirəm.
Dərələr aşağı axanda sellər,Arandan dağlara qalxanda ellər,Çöllərdə ulduztək yananda güllərMən susa bilmirəm, susa bilmirəm.
Xallı kəpənəklər uçanda lək-lək,Yazın xoş ətrini yayanda külək,Bir nəğmə eşqiylə coşanda ürəkMən susa bilmirəm, susa bilmirəm.
Körpəcə ağaclar pöhrələnəndə,Durnalar vətənə sarı dönəndə,Hardasa, hardasa bir ney dinəndəMən susa bilmirəm, susa bilmirəm.
Girəndə yol-yoxuş hərdən dumana,Bənövşə boynunu əyəndə yana,Bu pərişan halı yaraşmır ona,Mən susa bilmirəm, susa bilmirəm.
Mən bilirəm nədir sevinc də, qəm də,Dünya ağlar, gülər sanki sinəmdə.Gah zildə ötürəm, gah da ki, bəmdə,Mən susa bilmirəm, susa bilmirəm.
Hər daşın, qayanın öz mənası var,Sözün könül adlı bir dünyası var.Ömrün payızı var, ömrün yazı var...Mən susa bilmirəm, susa bilmirəm.
Nemətlə doludur torpağın qoynu,Şəfqətlə doludur torpağın qoynu.Gözəldir təbiət, seyr edib onuMən susa bilmirəm, susa bilmirəm.
Bir quş timsallıdır, ötər nəğmələr,İllərdən-illərə gedər nəğmələr.Dindikcə könlümdə bu tər nəğmələrMən susa bilmirəm, susa bilmirəm.
Kitabxana.az · https://kitabxana.az/works/medine-gulgun-susa-bilmirem
← → düymələri ilə keçid, R — təsadüfi şeir
Müəllifin digər əsərləri
Eyvanım Bakıya açılır mənim,Eyvanım bir görüş yerinə bənzər.
Qızıl rəngli səhərlərimHər gün məni oyadarlarQızıl rəngli səhərlərim.
Şirin bir laylayamDağların başında bitən çiçəyəm,Hər əsən küləyə baş əymərəm mən.
Qalır ocağımız, közümüzKülək bir yarpağı aldı, apardı,Dedim, təbiətdə bu tufan nədi?
Başqa şairlərin şeirləri · Vətən
Qurtuluş Kamala inanla olur,Hökumət seçilmiş bakanla olur,
Mə’bədBir yığın daş kömülmüşdür torpaqların qoynundaDün keçərkən həzin bir səs dinləyirdim mən onda.
Gəncənin qırğınıGörən, bilən, eşidənlər yansınlar,Gör nə yaman oldu halı Gəncənin,
GəlmişəmGəncə dağlarından, uzaq ellərdən,Əlbəttə ki, bir murada gəlmişəm.