Oyanmış, sevgilim, günəş də çoxdan,Bu sabah dağlar da geyinmiş əlvan.Aç xumar gözünü, yuxudan oyan,Oyan, gözlərinə qurban olduğum!

Bahardır, əriyir dağların qarı,Əsir ana yurdun sərin ruzgarı.Sənindir könlümün dövləti, varı,Oyan, gözlərinə qurban olduğum!

Sən güləndə açır bir yaz sabahıNədir bu qəlbimin, bildir, günahı?Sənsən ilhamımın dostu, pənahı,Oyan, gözlərinə qurban olduğum!

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri