Nameye-dovvom. Amədəne-Səba əz zəbane-mə’şuq be aşeq (İkinci məktub. Səbanın mə’şuqənin sözləri ilə aşiqin yanına gəlməsi)
Qayıtdı Səba zi dərgəhi-şah,Ğəmnakü məlul düşdü bər rah.
Bivayə şikəstə, könlü zəbzəb,Ğəmdən sürəməzdi yolda mərkəb.Ğəm yox dilinin dutulduğundan,Kim, razıdurur qutulduğundan.Deri kim, necə varım ol fəqirə,Biçarəvü xəstədil həqirə?Dəxi nə yüz ilə varım anda,Ümmid ilə qasid etdi munda.Ya anda neçük verim cəvabi?Göndərdi itab ilən xitabi.Bu işdə qılurdu didəm ahi,Mən gözlər idim həmişə rahi.Sərf etmiş idim ola bəsər mən,Heç yanıma qılmadın nəzər mən.Gah örtər idi yaşım gözümni,Heç bilməz idim nəyəm özümni.Hər ləhzə həvəsdən uymaz idim,Gündüzlə gecəmni duymaz idim.Görməgə Səbanı dildə tə’cil,Hər gündə mana keçirdi bir il.Nagah bu bağə düşdü bir saz,Gəldi şəcərin başından avaz.Titrəşdi bənövşə, bərgi-lalə,Gül yarpağından töküldü jalə.Bildim ki, irişdi nik canım,Sönmüşdü rəvan dilim, rəvanım.Gəlməxdə vəleyk səxt süst ol,Dedim ki, cəfa qılıbdurur yol.Kim, yolda sitəm çəkibdürür bəs,Batmış ayağına xar ilən xəs.Ya ana itab edibdir ol yar,Yari gəlişində bir nəzər var.Çün yetdi, dedim ki, nikuxah,Halın necədir zi zəhməti-rah.Həm söylə nigar sağ, əsənmi?Ol fitnəli yar sağ, əsənmi?Der: – Sağdır, əsəndir ol pəriru,
Səndən vəli eyləmiş bəri ru.Əhvalın ana ərzə qıldum,Ərzinə yetürməgini bildim.Xişm etdi haman dəm əz səri-naz,Çox ərbədə naz qıldı ağaz.Yırtdı aluban yazan kitabi,Biş etdi itab ilən xitabi.Qıldı məni-xəstəni məlamət,Başuma qopardı yüz qiyamət.Qətl eyləməginə fikr qıldım,Qurtulmağa sağ şükr qıldım.Bəs ol qəzəb ilə türki-tənnazXişm etdi sana be işvəvü naz.Der: – Kimdürür ol xəsisü kəmtər,Ögdi özünü qılıb mükərrər.Dil munu eşitdi, narə düşdü,Fəryadü fəğanü zarə düşdü.Yaş etdi ümid evini parə,Sögdüm yenə bəxti-nabəkarə.
Kitabxana.az · https://kitabxana.az/works/xetai-dehname-nameye-dovvom-amedene-seba-ez-zebane-me-suq-be-aseq
← → düymələri ilə keçid, R — təsadüfi şeir
Müəllifin digər əsərləri
Yarəb, irağ etmə cismü cani,Heç bəndəyə verməgil sən ani.
NəsihətnaməSığın fəzli-həqə, ey talibi-rahKi, dost eşqin özünə eylə həmrah.
Xubların sultanısan aləmdə, var, xan ol, yürüXubların sultanısan aləmdə, var, xan ol, yürü,Aşiqin canında cansan, var, acanan, ol, yürü,
Və’deyi-vəsl edəli bir qılca qaldı canımızVə’deyi-vəsl edəli bir qılca qaldı canımız,Göglərə irsə, iribdir, naləvü əfğanımız,
Başqa şairlərin şeirləri
Necə göz sən tək gözəl dünyada görmüş, görməmiş,Böylə məqbulü müzəlləf sadə görmüş, görməmiş.
آنرا که چون تو لاله رخی در سرا بودمیلش به دیدن گل و سوسن چرا بود؟
HəsəninYarə deyin bizdən qarğış almasın,Yerdə qalmaz ah-zarı Həsənin,
OlduƏyyami-nəhsdə qəmər əqrəbdəBir neçə kəslərə siyasət oldu,