Qartalı dostları saxlayıb bir an,Dedilər: – Qəribə gəlhagəldi bu.Sərçə kitab yazıb kor yapalaqdan,Bir ayın içində namizəd oldu.

Anqut yarasanı verir qabağa,Quzular quzğunun keçir dişindən.Elmlər doktoru sağsağan qağa,Razıdır qarğanın elmi işindən.

Leylək tərifini yayıb ellərə,Ördək qaşqaldağın dilində dastan.Tomlar bağlayıbdır hində çil fərə,Tarda boz beçənin banlamasından.

Novator cüllütə ağız büzmə sən,Dil iti, çənə saz, baş ayrı başdı.Sonralar düşünüb dərk edəcəksən,O necə dühadı, necə yoldaşdı.

Maraqlı söhbətlər, məzəli sözlər,Nələr eşitmədik, nələr eşitdik.Gəlib kafedraya salasan nəzər,Toyuq professor, qaz akademik.

Gəlir başdan aşır, var başdan aşır,Buğda ətək-ətək, dən qucaq-qucaq.Xoruzlar bac verib, bacanaqlaşıb,Balın gətirəndə baldı bacanaq.

Çağıran qazanır, çalan qazanır,Dəflər nə dəflərdi, səflər nə səflər.Kəllələr qızdıqca məclis uzanır,Şeflər nə şeflərdi, keflər nə keflər...

Aləmdir dovdağın təzə əsəri,Onu da böyüdüb, qaldıracaqlar.Sən elə süzürsən tutub göyləri,Hərənin bir adı, bir rütbəsi var.

Qartal gülümsəyib, söylədi bu dəm,Uçmaq ilk eşqimdir, son niyyətimdir.Öz qartal adımı saxlaya bilsəmBu mənim ədəbi səadətimdir.

Клавиши ← → для перехода, R — случайное стихотворение

Случайное стихотворение

Другие произведения автора

Стихи других поэтов