Alü ala könlək ol əndami-simin üstünə,Lalənin yaprağıdur gülbərgi-nəsrin üstünə.

Ol xəti-mişkin ki, artuptur yüzündə xalını,Ənbəri-tər tək saçılmış nafeyi-çin üstünə.

Mən sana həq dedigümçün mana nahəq der rəqib,Bəhs edirlər mö’minü kafir bəli din üstünə.

Sənsizin dərdü bəlavü möhnətü ənduhi-ğəm,Bir gedərsə bir gəlür mən zarü ğəmgin üstünə.

Məqtə — şairin təxəllüsü olan son beyt. Kişvəri eşqində öldisə, nə ğəm, şahi-Gey,Yox əcəb Fərhad əgər can versə Şirin üstünə.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri