Nə müddətdi cəlay-vətən olmuşam,Baş götürüb Gəncə deyib gedirəm.Qəvvas kimi dəryalara dalmışam,Eşqə düşüb onca deyib gedirəm.

Sevgili sevgini könülnən tuta,Sidqini bağlaya eynəlyaquta,Şahlar şahı özü veribdi buta,Baş götürüb onca deyib gedirəm.

Qurbani tab etsin bu dərdə necə?Qərarım kəsilib gündüz, həm gecə,Bir gözəl sevmişəm hamıdan incə,Baş götürüb İncə deyib gedirəm.

← → düymələri ilə keçid, R — təsadüfi şeir

Təsadüfi şeir

Müəllifin digər əsərləri

Başqa şairlərin şeirləri · Eşq