Qönçənin bağrını əzzəldə fələk qan eylər
Qəzəl nədir?
Qəzəl: eyni qafiyəli beytlərdən (iki misralıq bəndlərdən) qurulan lirik şeir. Son beyt məqtədir: şair orada öz təxəllüsünü çəkir.
Qönçənin bağrını əzzəldə fələk qan eylər,Sonra könlünü açıb dəhrdə xəndan eylər.
Səltənət təxtinə bir payədi zindan, ey dil,Yusifi izzət üçün sakini-zindan eylər.
Çəkməsə rənc kişi gəncə olurmu vasil,Rəsmdir, rənc çəkən karını asan eylər.
Səbri-Əyyub gərək aşiqi-dilsuxtədə,Aqibət lütfi-xuda dərdinə dərman eylər.
Olmasa kar pərişan, ona saman olmaz,Hər pərişanlığa tanrı özü saman eylər.
Bir düşəydi əlimə vəsl, deyəydim bir-birBu cəfalər ki, mənə möhnəti-hicran eylər.
Məqtə — şairin təxəllüsü olan son beyt. Seyyida, qorxma ki, aləmdə xudavəndi-əhədSəni izzətlə dəri-dövlətə dərban eylər.
Kitabxana.az · https://kitabxana.az/works/seyid-ezim-qoncenin-bagrini-ezzelde-felek-qan-eyler
← → düymələri ilə keçid, R — təsadüfi şeir
Müəllifin digər əsərləri
Bir zaman biz dəxi ol mah ilə həmxanə idik,Şəmi-rüxsarəsinə yanmağa pərvanə idik.
Can tazələnir ləli-dürəfşanını görcəkCan tazələnir ləli-dürəfşanını görcək,Dil xürrəm olur sərvi-xuramanını görcək.
Yarımı yar eylədin əğyarə, ey fələkYarımı yar eylədin əğyarə, ey fələk,Etdin gülü nəsib genə xarə, ey fələk.
Şadəm ki, könlüm oldu ol zülfü xalə mailŞadəm ki, könlüm oldu ol zülfü xalə mail –Kim, qarəbəxtlikçün candan olubdu qabil.