Məhəbbət
İztirab içində yatır qəhrəman,Nə qədər solğundur onun bənizi.Canında qalmamış artıq isti qan,Doktor kömək üçün çağırır bizi:"Gəlin, bu igidə qan verək bir az,Yoxsa bu yaradan xəstə sağalmaz"
Odur, laçın gözlü bir qız gələrəkAçdı sağ əlilə öz sol qolunu."Tez ol, qan al! — dedi o gözəl mələk,— Öz qanım sağaltsın vətən oğlunu".Doktor sevinərək durmadı bir an,Qan aldı o qızın şümşad qolundan.
Azacıq keçmədən tərpəndi xəstə,Yenə də dünyaya baxdı gözləri.Qız çiçək də verdi ona bir dəstə,İnsanlıq böyükdür əzəldən bəri…Xəstənin köksündə çırpındı ürək,Baxdı gözəl qıza gülümsəyərək.
Dolandı həftələr… Qalxdı qəhrəmanYenə xatirinə düşdü cəbhələr…O ayrı düşmüşdür yoldaşlarından,Qəfəsdə bağlanıb qalarmı hünər?Alıb silahını düzəldi yola,Dalınca qız dedi: — uğurlar ola!
O getdi şir kimi, toz qalxdı yerdən,Baxdı arxasınca qızın gözləri;De neçin qaşların çatıldı birdən?Nə keçdi qəlbindən, ey gözəl pəri?Gedən sevgilindir sənin, bəlkə də…Onu çox görməsin sənə təbiət.Qanlar qardaşlığı olan ölkədəDünya od tutsa da, ölməz məhəbbət!
Kitabxana.az · https://kitabxana.az/works/vurgun-mehebbet
← → düymələri ilə keçid, R — təsadüfi şeir
Müəllifin digər əsərləri
Qorxub çəkilmədik ölümdən, qandan,Çıxdıq illər boyu çox imtahandan;
Böyük revolyusiyaÜç yüz il acımadan, titrəmədən, duymadan,Hey diddi köksümüzü çarlığın zülüm quşu.
A köhlən atım!Əlim tərpənməmiş oyna yerindən,Nəzil qamçı kimi səyirdəndə sən.
Böyük ədibDöydü qapımızı bir acı ruzgar,Durdu insan qəlbi, öldü sənətkar...
Başqa şairlərin şeirləri
Çərx fələk məni qıldın divanəAyrı saldın yarı anıb ağlaram
MiçəkQurdum hər cür torumu, vermədi fayda miçəkə,Sataşır gündə gözüm xörəkdə, çayda miçəkə,
Ey məst, bil ki, bir mənəm eşqində xunciyərMən bihuşam səninlə, barı olma bixəbər.
Təcnis: Nazlı yara dərdi-dilim yazmağaNazlı yara dərdi-dilim yazmağa,Nə bir kağız tapdım naqaləmindi,